ఏకపాదుని కుమారుడైన అష్టావక్రుడు తల్లి గర్భంలో ఉండగా తండ్రి చదివే శ్లోకపఠనంలో తప్పులు ఉన్నాయని చెప్పాడు. తండ్రి కోపించి అతన్ని 8 వంకరలతో పుడతావని శపించాడు. అలా తండ్రి శాపంతో వికృతరూపంతో జన్మించాడు. అష్టావక్రుడు పుట్టుకతోనే మహా పండితుడు. అష్టావక్రుడు పుట్టకముందే తన తండ్రి జనకుని ఆస్థానంలో జరిగిన పాండిత్య పోటీలో ఓడిపోయి పోటీ నిబంధనల ప్రకారం దగ్గరలోని నదిలో పడి మరణించాడు. అష్టావక్రుడు జన్మించిన తరువాత ఈ విషయాన్ని తెలుసుకొని బాల్యంలోనే జనకమహారాజు ఆస్థానానికి వెళ్ళి తన తండ్రిని ఓడించిన పండితునితోనే పోటీచేసి ఓడించాడు. నిబంధనల ప్రకారం ఆ పండితుడు ఓడిపోయి నదిలో పడి మరణించగానే అష్టావక్రుని తండ్రి బ్రతికివచ్చాడు. తన పాండిత్యాన్ని చూసిన జనకమహారాజు అష్టావక్రుని దగ్గర అధ్వైతబోధనలను నేర్చుకున్నాడు.
